Sundag 29.06.08 hadde Ottadalen Dølahestlag slepp i Sallia.
I år er det 2.pr. hingsten Myklar som er "sjef". Han har med seg 15 hopper og 5 føll, og han oppførde seg roleg og fint. Det såg ut til at han hadde full kontroll, så det er berre å håpe på mange fine føll til våren. John Mork og Monica Elvestrand( eigar av hingsten) deler på å gjete følgjet i år. I det fine veret sundag hadde fleire hundre tilskodarar møtt opp. Det såg ut til at alle kosa seg med orkesterplass ved dei gamle velstelte husa i Sallia. Tusen takk til gjestfritt vertsskap! Håpar at hestar og gjetarar får ein fin sommar i fjellet!